Injured	Killed
0	0

Date: 09 May 2013
Source: Bombo Radyo

NAGA CITY – Iniimbestigaran ngonian kan kapulisan sa siyudad nin Iriga an nairehistrong pagsabog nin granada kasubagong aga.

 

Sa intribista kan Bombo Radyo Naga ki PO3 Marsha Aquiller tagapagtaram kan PNP-Iriga alas-6 kasubagong aga kan magdulok sa saindang hepatura si Ricky Dela Cruz na residente kan Barangay Tubigan.

 

Ipigpaabot suboot kaini an report katakod kan pagsabog na nangyari sa atubangan kan saindang harong.

 

Nahiling kaini an pagkaraut kan sementadong dalan asin mga sharpnel na nagtama sa mga kakayuhan.

 

Sa ngonian inaaram kan otoridad an rason kan pagsabog asin kun pano nagkaigwa nin bomba sa lugar.

 

Mientrastanto mayo man naireport na nalugadan o nagadan sa nasabing insidente.