Injured	Killed
0	0

Date: 01 May 2013
Source: Bombo Radyo

DAVAO CITY – Nanawagan si Governor Arturo Uy ngadto sa mga rebelde nga midagit kay SPO1 Allan Pansoy kinsa pulis gidagit sa mga NPA kagahapon sa hapon.

Sa pakighinabi kay S/Supt. Camilo Cascolan, Provincial Police Director sa Compostela Valley Province, nagpahigayon lamang ug political rally ang grupo ni Gov Uy sa Barangay Anitapan, ComVal, at pauwi na sila sa kapitolyo.

Gibabagan sumala pa ang convoy sa gobernador kauban ang unom ka mga board members sa usa ka checkpoint nga gipahigayon sa mga miyembro sa NPA nga naka-camouflage.

Gipangayo sumala pa ang mga ID ug nakita ang PNP ID ni Pansoy hinungdan nga gidala kini sa mga rebelde.

Nagtuo pa ang police escort nga dili siya hilabtan sa mga rebelde gumikan sa escort lamang siya sa gobernador apan gidala lamang gihapon si SPO1 Pansoy.

Mihangyo pa ang gobernador ug mga board members sa pagbuhi sa escort apan wala sumala pa gi-respeto ang hangyo sa gobernador kanila ug hingpit nga gidala si Pansoy.

Samtang luwas sab nga nakaabot sa kapitolyo ang gobernador ug ang mga board members.