Injured	Killed
0	1

Date: 31 March 2013
Source: Bombo Radyo

BUTUAN CITY – Patay ang usa ka ginang human gipusil atubangan sa iyang bana og duha ka mga anak pasado alas-7:15 kagabii sa duha ka wala mailang mga suspek didto sa Purok 5, Brgy. Silovia, lungsod sa Talacogon, Agusan del Sur.

Naila ang biktimang si Mia Manpatilan, 58-anyos og residente sa Brgy. San Pedro, lungsod sa San Luis sa susamang lalawigan.

Migawas sa inisyal nga imbestigasyon nga samtang uban ang biktima sa iyang pamilya, kalit nga mitumaw ang duha ka mga lalaking naka-bonnet dayong pusil sa iyang ulo og tangkugo nga miresulta sa iyang hinanaling kamatayon.

Narekober sa mga miresponding kapulisan ang duha ka basiyo sa 9mm pistol, ingon man ang tag-usa ka basiyo og slug sa kalibre 45 nga pistola.

Padayon pang gisuta sa kapulisan ang maong hitabo aron masuta ang motibo sa kremin ingon man ma-ilhan og masikop ang mga responsable