Injured	Killed
0	1

Date: 27 February 2013
Source: Bombo Radyo

CAGAYAN DE ORO CITY – Gisuta pa karon sa kapolisan kon unsay motibo sa pagpusil patay sa usa ka ginang diha sa Aluba Subd., Barangay Macasandig ning syudad kagabii.

Naila ang biktima nga si Maybel Roa, 41-anyos, minyo nga residente sa maong dapit. Duha matud pa ka suspek nga sakay sa motorsiklo ang mipusil sa biktima nga nagresulta sa kamatayon niini.

Nakaangkon ang biktima ug samad sa iyang dughan nga milahos sa iyang likod.

Apan miingon si Police Capt. Joel Nacua, hepe sa Macasandig Police Station nga ila pang sutaon kon tulis ba ang motibo sa pagpusil sa biktima kay wala matud pay nawala sa iyang mga gamit.

– See more at: http://bomboradyo.com/news/regional-news/cebuano-news/154093-ginang-gipusil-patay-motibo-giimbestigahan-pa-sa-kapulisan#sthash.IxETjBAY.dpuf