Injured	Killed
0	1

Date: 03 April 2013
Source: Bombo Radyo

KORONADAL CITY – Nagapadayon subong ang manhunt operation sang Koronadal City PNP sa suspek nga nagpatay sa isa ka German national.

Ginkilala ang biktima nga si Ralf Dietrich, 59, gikan sa Frankfort West Germany kag nagapuyo na diri sa siyudad sang Koronadal kaupod ang iya nga live in partner sa sulod na sa 20 ka tuig.

Nakilala naman ang suspek nga si Nestor Kadungog alyas Bobong nga nakita mismo sang mga testigo nga nagauyat sang kutsilyo kag duguon sang masapwan ang biktima nga nagahigda sa salug kag wala na sang kabuhi sa puluy-an sini.

Gilayon naman nga nagpalagyo ang suspek matapos magluntad ang krimen.

Nakaangkon sang duha ka buno ang lawas sang biktima nga gintunaan sang kamatayon sini.

Sa karon, nakig-angut na ang Philippine Center for Transnational crime sa Eastern Mindanao command agud mapalab-ot sa German embassy ang natabu sa biktima.

Ginahibalo pa man sang kapulisan ang motibo sa pagpatay sa biktima.