Nilooban ng mga hindi pa nakikilalang suspek ang isang fastfood chain sa Regalado Avenue sakop ng Barangay Fairview, Quezon City.

Ayon kay Joseph Escobar, branch manager ng Jollibee-Regalado, pinasok ng mga suspek ang naturang fastfood at tinangay ang ilan sa kanilang mga kagamitan.

Nakuha ng mga suspek ang condensing motor cover ng walk-in freezer; dalawang condensing motor cover ng walk-in griller, limang gallon ng ibat-ibang pintura; limang scrap fan motor; 10 piraso ng crate; at ilang scrap stainless steel.

Batay sa inisyal na imbestigasyon, nagawang makaakyat ng mga suspek sa ikalawang palapag ng fastfood chain at nang makaabot sa condensing area ay dito na ginawa ang panloloob. Report from Zandro Ochona, Radyo Patrol