(Update) VIGAN CITY – Agad na namatay ang dating vice mayor at kapatid na pulis nang makipagbarilan sa civilian security ng isang mayor sa Poblacion, Dolores, Abra.

 

Nakilala ang mga nasawi na sina dating Dolores Vice Mayor Dante Guzman, kapatid nito na si PO3 Dindo Guzman at ang civilian security ni Dolores Mayor JayR Siarez na si Jun Cabanawan.

 

Ayon sa impormasyon na nakalap ng Bombo Radyo Vigan, may namuong bangayan sa pagitan ng mga biktima dahil sa sugal.

 

Nangyari ang insidente sa isang lamayan kung saan humantong sa barilan ang away tatlong mga biktima.

 

Maliban sa tatlong nasawi may tatlo pang sibilyan na tinamaan ng ligaw na bala.