Injured	Killed
0	0

Date: 25 May 2013
Source: Bombo Radyo

NAGA CITY- Sinakyada asin hinabunan pa nin badil an sarong lalaki sa Quezon Province kan pinagtutubudang mga rebeldeng New People’s Army (NPA).

 

Napag-araman na nilaog kan walong dae bistadong lalaki an harong ni Calixto Malasmas y Villegas, 65, retired security guard sa Barangay Mal-Ay sa banwaan kan Lopez.

 

Bitbit suboot kan mga suspetsado an saindang M-16 rifle asin parehas naka-fatigue uniform.

 

Tinutukan suboot si Malasmas asin hinanap an saiyang badil.

 

Huli sa takot, ipigtukdo man kan biktima an saiyang kalibre 45 na nakatago sa saiyang cabinet.

 

Tulos nagdulag an mga suspetsado sa bulod na parte kan nasabing barangay.

 

Pagtubod kan PNP Lopez na nagresponde sa lugar, mga rebeldeng NPA an may kagibohan kan pananakot asin panhahabon.