Injured	Killed
0	1

Date: 31 July 2013
Source: Bombo Radyo

LEGAZPI CITY – Bala an suminabat sa sarung lalaki makalihis na maisipan kaining bisitahon an saiyang dating pigkakaiba.

 

An biktima an binistong si Edmundo Orogo, Barangay Banawan, Pioduran Albay.

 

Sa report na ipinaabot sa Bombo Radyo Legazpi, napag-araman na bandang alas 8:15 nin banggi kan magbisita an biktima sa harung kan dati kaining live-in partner na binistong si Luzviminda Cedeño

 

Alagad biglang nag-abot an suspek asin agum kaining si Josue Palencia y Aquende.

 

Huli sa pagkakakigkig na mahiling an agum asin an dati kaining karelasyon sa saindang harong, tulos na nag-init an payo kaini asin pinaputukan an biktima.

 

Nagsapar nin tama sa payo si Orogo na rason kan tulos kaining kagadanan.

 

Sangonyan an pinaghahanap naman kan mga awtoridad an nagdulag na suspek.