Injured	Killed
0	1

Date: 13 April 2013
Source: Bombo Radyo

BACOLOD CITY – Patay ang isa ka anay kagawad sang Barangay Karabalan, ciudad sang Himamaylan, Negros Occidental matapos ginluthang sang riding-in-tandem kahapon sang hapon.

Ginpahayag ni Supt. Simeon Gane, hepe sang Himamaylan City Police Station, ginluthang sang makaduha ka beses ang biktima nga ginkilala kay Edgardo Coleta sang duha ka mga persona nga naga-angkasanay sa motorsiklo sa likod sang city hall sang nasambit nga ciudad.

Gilayon nagpatigayon sang hot pursuit operation ang kapulisan batok sa duha ka mga kalalakinhan sa diin na-recover ang ginsakyan nga motorsiklo sang mga ini.

Suno kay Supt. Gane, ginbilin ang motorsiklo matapos ini ang makupusan sang goma apang na-tamper na ang chasis number sini nga makabulig kuntani sa pagtudlo sang suspetsado.

Ginpahayag naman ni Supt. Gane nga malayo nga politika ang motibo sa pagpatay kay Coleta bangud wala na ini sa pwesto kag suno sa mga nakakilala sa biktima, daan nga hiligut-anon ang motibo sa krimen