Injured	Killed
0	1

Date: 13 April 2013
Source: Bombo Radyo

CAGAYAN DE ORO CITY – Gisalikway sa kapolisan ang pagduda nga hinimoan sa grupong vigilantes ang pagpusil-patay sa usa ka ex-convict diha sa Rodelsa circle ning syudad.

Naila ang namatay nga si Nonoy Agustin, 25-anyos, kinsa miyembro sa Batang Mindanao kon BM-29.

Duha ka wala mailang suspek nga sakay sa motorsiklo ang mipusil sa biktima gigamit ang 45 kalibreng armas samtang kini nagbaklay sa dalang Rotunda.

Nakaangkon ang biktima ug daghang samad pinusilan sa iyang ulo, likod ug kamot nga nagresulta sa iyang kamatayon.

Nakuha sa kapolisan gikan sa crime scene ang pito ka empty shells sa kalibre 45 nga armas.

Matud ni PO2 Jerwin Abuelo sa Macasandig Police Station nga subay sa ilang inisyal nga imbestigasyon, kanhiay nabilanggo sa Lumbia City Jail ang maong biktima tungod sa kasong highway robbery.

Apan miingon si PO2 Abuelo nga blangko pa sila sa mga suspek sa nasampit nga kremin samtang nagpadayon pa ang ilang imbestigasyon.

Samtang gisugilon usab ni SPO4 Eric Echem sa warrant and record section ning syudad nga daghang kasong kriminal nga gilambigitan ang biktima.

Matud ni Echem nga may pending pa kini nga kasong kawat nga wala pa niini nasilbihi nga unang nahitabo niadtong tuig 1991 ning dakbayan.