LEGAZPI CITY – Dead on the spot ang 42-anyos na ex-Cafgu sa bayan ng Gubat, Sorsogon kanina.

 

Kinilala ang biktima na si Adan Cermanes mula sa nasabi ring bayan.

 

Sa panayam ng Bombo Radyo Legazpi sa asawa na si Esperanza, sinabi nito na nagpapahinga lamang ang kanyang asawa sa tapat ng kanilang bahay nang marinig niya ang sunod-sunod na putok ng baril mula sa hindi kalayuan.

 

Dito na bumulaga sa kanya ang duguang katawan ng kanyang asawa na tadtad ng tama ng bala mula sa hindi pa malamang kalibre ng baril.

 

Bago ang pangyayari, nakita naman ni Esperanza ang dalawang lalaki sakay ng motorsiklo na umaaligid malapit sa kanilang bahay.

 

Sa ngayon, patuloy pa ang imbestigasyon ng mga otoridad sa tunay ng motibo ng nasabing krimen.