Injured	Killed
0	1

Date: 05 February 2013
Source: Bombo Radyo

LEGAZPI CITY – Patong patong na kaso an kakahampangon ngonyan kan apat na suspek sa pagdukot asin paggadan sanegosyante asin dating board member sa Albay.

Kun marurumduman, duwang semana na an nakakalihis kan dukuton si former Board Member Jose “Bebot” Saribong sa banwaan nin Libon Albay asin karibay kan saiyang libertad an kantidad na maabot sa labi P40 milyon.

Alagad kasubago sana kan kumpirmaron mismo ni Albay Governor Joey Salceda an pagkaagadan kan dating opisyal.

Sa impormasyon na ipinaabot sa Bombo Radyo Legazpi, napag-araman na makalihis na makapagtao kan pighahagad na ransom an pamilya kaini sa mga kidnappers, tulos man na kinadan an biktima.

Narecover an lawas ni Saribong sa sarung bakanteng lote sa Metro Manila makalihis na gadanon kan mga suspek na personal mismong bistado kan famila kan biktima.

Si Saribong an dinukot mantang papauli na an biktima gikan sa Metro Manila kaiba an saiyang driver kan tambangan ini kan mga suspek sa porsyon kan Bataan.

Nakadulag man an driver kaini na lugadan na nagpasiring sa hepatura kan pulisya.

Sa report, kapot na kan Deparment of Justice (DoJ) an mga suspek na nahahampang sa kasong kidnnaping with murder asin pagbalgar sa election gun ban.

Mientras tanto, tulos man na nagsagibo nin press conference kasubago an pamilya Saribog katakod kan insidente.