Injured	Killed
0	0

Date: 30 January 2013
Source: Bombo Radyo

LEGAZPI CITY – Maabot sa P44-M na kantidad nin ransom an pighahagad ngonyan kan mga nagdukot sa dating opisyal asin negosyante sa Albay.

An biktima na nagsayuma munang pangaranan an bistadong board member sa banwaan kan Libon, nasabing provincia.

Sa impormasyon na ipinaabot sa Bombo Radyo Legazpi, napag-araman na bandang alas 2:00 nin maumagahon kan nakalihis na Miyerkules, mantang papauli na an biktima gikan sa Metro Manila kaiba an saiyang driver kan tambangan ini kan mga armadong kalalakihan asin dukuton sa porsyon kan Bataan.

Segun sa pahayag kan driver na lugadan makalihis na makadulag, na dinara an saiyang amo sa dai maaraman lugar asin saka naghagad nin dakolang kantidad.

Sa ngonyan an nagtetenir na tikom an ngimot kan mga otoridad sa tunay na kamugtakan kan nasabing dating opisyal.