Injured	Killed
0	1

Date: 28 January 2013
Source: Monday, 28 January 2013 04:36 bombo radyo

DAGUPAN CITY – Kaagad binawian ng buhay ang isang dating punong barangay matapos itong barilin sa bayan ng Bayambang lalawigan ng Pangasinan kaninang madaling araw.

Nagtamo ng ilang tama ng baril sa katawan ang biktimang si Romulo Roque, 51-anyos at residente sa Barangay San Gabriel 1st sa nabanggit na bayan.

Napag-alaman na pauwi na ang biktima nang bigla na lamang itong barilin ng hindi pa nakikilalang suspek sakay ng motorsiklo.

Galing ang biktima sa alumni homecoming celebration na ginanap sa kanilang Municipal Plaza.

Samantala, apat na bala mula sa kalibre 45 na baril ang narekober ng mga otoridad sa pinangyarihan ng krimen.

Patuloy na inaalam ng mga pulis kung ano ang tunay na motibo sa pagpaslang sa biktima.