Injured	Killed
1	0

Date: 31 August 2013
Source: Bombo Radyo

LAOAG CITY – Patuloy na iniimbestigahan ng mga otoridad ang nangyaring pamamaril sa Banna, Ilocos Norte, na ikinasugat ng isang estudyante.

 

Nakilala ang biktima na si Christian Lumbo, 18, isang crimonology student at residente sa nasabing bayan.

 

Sa imbestigasyon ng Philippine National Police-Banna sa pamumuno ni Pol. S/Insp. Jephre Taccad, bago ang insidente ay nag-iinuman ang biktima at ang suspek na si Renante Ramones, 44-anyos, may asawa kasama ang dalawa nilang kaibigan na sina Christopher Alca at Ernesto Asuncion, parehong residente sa nasabing bayan.

 

Habang nag-iinuman, aksidenteng nakalabit ni Ramones ang kanyang baril at tinamaan ang biktima.

 

Kaagad isinugod sa Sta. Teresita Hospital sa Marcos, Ilocos Norte, ang biktima ngunit inilipat sa Mariano Marcos Memorial Hospital and Medical Center sa Batac City.