Injured	Killed
0	1

Date: 01 February 2013
Source: Friday, 01 February 2013 00:04

ILOILO CITY – Patay ang estudyante na pinaniniwalaang biktima ng hazing sa Iloilo City.

Ang biktima ay si Rex Ashley Avillo, 17, ng Lapaz, Iloilo City at nag-aaral sa Alternative Learning System ng Department of Education.

Ayon sa tiyahin ng biktima, umuwi itong paika-ika kung lumakad at nang dinala sa ospital, natuklasan ang maraming pasa sa katawan nito.

Nilagnat rin ang biktima, nagsuka at nagdumi ng dugo subalit negatibo sa tuberculosis na isa rin sa pinaniwalaang dahilan ng karamdaman nito.

Sa impormasyon na nakalap ng Bombo Radyo, kasapi ng Japs Gang ang biktima.

Pinaniniwalaang nagpatawag ng meeting ang gang noong Dinagyang Festival subalit hindi ito sumipot kung kaya’t isinailalim sa hazing.

Pinag-iisipan pa ng pamilya ng biktima kung isailalim sa autopsy examination ang bangkay nito.