Injured	Killed
0	0

Date: 31 July 2013
Source: Bombo Radyo

KALIBO, Aklan – Balik eon sa normal ro klase ag operasyon it sangka pribadong eskwelahan iya sa banwa it Kalibo, partikular ro Central Panay College of Science & Technology Inc., matapos makabatun ro mismong tag-ana it bomb threat.

Suno kay Mrs. Purita Beltran, ro tag-ana it eskwelahan, nakabatun imaw it sunod-sunod nga text messages nga paga pasabugon ro anang eskwelahan.

Bangud kara, insigida man nga nagpangayo it Police Assistance si Mrs. Beltran sa mga katapo it Aklan Public Safety Company ag Explosive and Ordnance Division o EOD it Aklan Police Provincial Office o APPO.

Matapos ro pag imbestiga it EOD sa pagpanguna ni SPO3 Benjie Repedro, owa nakita-an ro bilog nga 4-storey school building it anuman nga suspected items nga makapamatuod nga may bomba sa area.

Madumduman nga nagtuga it kahadluk ro nasambit nga bomb scare bukon eang it sa tag-ana kundi pati man sa mga estudyante.

Ginpamalibaran man ni Beltran nga may naagrabyado imaw nga tawo nga ginaturo nga sa likod it pagpamaeag.

Nagaguwa man sa assessment it mga otoridad nga pagpanghadluk gid eamang ro motibo sa insidente.