Injured	Killed
0	7

Date: 31 July 2013
Source: Bombo Radyo

BUTUAN CITY – Unom ka mga rebeldeng New People’s Army samtang usa ka CAFGU member ang patay samtang laing usa ka CAFGU ang angol human ang lima ka oras nga engkwentro didto sa Brgy. Banag-banag, Sibagat, Agusan del Sur nga nagsugod kaganinang alas-singko sa sayong buntag.

 

Kini human matud pa, unang gi-harass sa gibana-banang 40 ka mga rebelde ang Banag-Banag Patrol Base sa 26th Infantry Battalion, Philippine Army.

 

Sigon ni Major Leo Bonggosia- tigpamaba sa 4th Infantry ‘Diamond’ Division, Philippine Army, samtang natigayon ang engkwentro, tulo ka mga patay’ng lawas sa rebelde ang gibitbit sa ilang mga ka-ubanan og dihang milurang na, laing tulo pa ang gibira sa gawas nga bahin sa maong detachment.

 

Dili pa matumbok sa opisyal kung kinsa ang mga namatay og na-angol sa panig sa militar tungod kay padayon pa ang ilang pagpadala og reinforcement troops nga maoy migukod sa mga rebelde og naglusad usab og clearing operations.

 

Wala pa usab siya’y nakuhang detalye kung duna’y mga armas nga narekober ang militar human sa maong insidente.