Injured	Killed
0	0

Date: 18 February 2013
Source: Bombo Radyo

NAGA CITY – Napuno ng takot ang isang empleyado ng lending company sa Naga City matapos mabiktima ng riding-in-tandem.

Nabatid na patapos na sana ng paniningil si Marlou Cañeso kaninang tanghali sa bahagi ng Barangay Pacol nang harangan siya ng dalawang lalaking sakay ng motorsiklo.

Hindi na umano siya nakapanlaban at nakatakas nang tutukan siya ng kalibre .38 baril at magdeklara ng holdap.

Natangay ng mga suspek ang nasingil niyang P6,700 at agad tumakas sa lugar.

Ayon kay Cañeso, hindi niya nakilala ang mga suspek dahil naka-helmet ang mga ito, naka-jacket at walang plate number ang motorsiklo.

Sa ngayon, patuloy ang isinasagawang imbestigasyon ng mga otoridad.