Injured	Killed
1	0

Date: 10 July 2013
Source: Bombo Radyo

NAGA CITY – Matrayumpong na-rescue an sarong receptionist matapos makadulag sa mga nangidnap saiya kan nakaaging aldaw nin Domingo sa Unisan Quezon.

 

Sa salaysay kan dai na pinangaranang biktima, binisto kaini an mga suspek na sinda Eduardo Sarabosing Jr asin Samuel Augmentado na parehong taxi driver.

 

Sigun sa daraga nakadulag suboot siya mantang nagtuturog si Sarabosing asin kan makarayo sa lugar tulos siyang naghagad nin tabang.

 

Napag-araman na hale sa saiyang pinagtatrabahuhang five-star hotel an biktima kan suminakay sa taxi na minamaneho ni Sarabosing sa Makati Avenue alas-11:30 nin banggi kan nakaaging aldaw nin Domingo.

 

Papuli kuta na ini sa Pasay City, alagad kan makaabot sa Buendia-Edsa, nagpundo an taxi asin suminakay naman si Augmentado.

 

Tinutukan suboot siya nin patarom asin hinahagadan nin kwartang nagkakantidad P20,000.

 

Alagad huli sa mayo siyang kwarta, napiritan na sana siyang itao an saiyang 2 ATM cards.

 

Apwera sa panunutok, paulit-ulit suboot siyang minolestya ni Sarabosing sa haros 3 oras nindang byahe haleng Makati pasiring Unisan na prinubaran pa siyang lugosan.

 

Tulos na nagsagibo nin entrapment operation, kun saen naarestar si Augmentado mantang pig-turn-over man kan Unisan PNP si Sarabosing sa Makati police team.