Injured	Killed
0	0

Date: 12 February 2013
Source: Bombo Radyo

NAGA CITY- Napano nin takot an sarong empleyado nin lending company sa Naga City makalihis mabiktima nin riding in tandem.

Napag-araman na patapos na kuta na sa paniningil si Marlou Cañeso kasubagong udto sa parte kan Barangay Pacol kan ulangon siya kan duwang lalaking lunad kan motorsiklo.

Dae na su boot siya nakapanlaban asin nakadulag kan tutukan siya nin kalibre 38 badil asin magdeklara nin holdap.

Nalalay kan mga suspek an nasingil niyang P6,700 asin tulos na nagdulag sa lugar.

Basado ki Cañeso, dae niya nabisto an mga suspek huli ta naka-helmet an mga ini, naka-jacket asin mayong plate number an motorsiklo.

Sa ngonian, padagos an isinasagibong imbestigasyon kan mga otoridad.