Injured	Killed
0	1

Date: 25 May 2013
Source: Bombo Radyo

KALIBO, Aklan – Patay ro sangka contractor it aluminum glass matapos nga barilon it riding in tandem sa Barangay Dumlog, Malay, Aklan.

 

Ginkilaea it Malay PNP Station ro biktimang si Armando Prado, 38, residente it Sitio Anahaw, Barangay Balusbos, Buruanga, Aklan nga nag-angkon it maabung tama it bala sa eawas.

 

Madasig man nga nag-eskapo ro mga suspect sakay it owa naplakahang motorsiklo.

 

Base sa inisyal nga imbestigasyon, samtang nagapungko ro biktima ag nakikipag-istorya sa pilang mga pamatan-on kat gulpi nga nagsuepot ro magkaangkas nga suspect.

 

Indi pa masayuran makaron kon ano ro motibo sa nasambit nga krimen.

 

Padayun pa ro ginapatigayon nga imbestigasyon it kapulisan sa insidente.