Injured	Killed
0	1

Date: 25 May 2013
Source: Bombo Radyo

KALIBO, Aklan – Patay ro sangka eaeaki matapos nga bun-on it anang kaugaligon nga igmanghud sa Barangay Rosario, Malinao, Aklan.

 

Nag-angkon it igo it pagbuno sa likod ag tiyan ro biktimang si Pedro Maravilla, 47, may asawa ag residente it nasambit nga lugar nga gindeklarang dead on arrival sa Aklan Provincial Hospital.

 

Insigidang nagpaeagiw ro suspek nga si Tiburcio Maravilla, 45, matapos nga mahimo ro krimen.

 

Base sa imbestigasyon ni PO2 Felizardo Navarra it Malinao PNP, nagdiskasan sigon ro daywa sa baeay it mag-asawang Donnie ag Nilfa Ortega matapos nga sitahon it biktima ro anang manghud sa pagdaea kara it kutsilyo bangud sa pagkabaeaka nga madakpan sa ginapatuman nga election gun ban sa nasyon.

 

Sa tunga it pag-diskasan, gulpi sigon nga ginbuno ni Tiburcio si Pedro nga ginasugid nga hilong.

 

Sa makaron hay nagapadayun ro imbestigasyon it mga otoridad sa insidente kamana man ro pagtugis sa suspek.