Injured	Killed
0	1

Date: 09 June 2013
Source: Bombo Radyo

KALIBO, Aklan – Patay ro sangka eaeaki matapos nga ginbinaril it owa pa nakilaea nga mga suspek sa Barangay San Jose, Ibajay, Aklan.

 

Dead on the spot tuga it tama it bala sa nagkaeain-eain nga parte it eawas ro biktimang si Armelanti Magsael, 52, sangka mangunguma ag residente it nasambit nga lugar.

 

Base sa report, samtang nagakatueog eon ro biktima kaibahan ro anang pamilya ay may nagpanuktok sa andang baraka ag gusto kuntang magbakae it aeak. Apang nagpamalibad ro anang misis nga si Amelia Magsael nga baligyaan ro mga raya.

 

Naging arogante sigon ro mga suspek ag nagpangayo it maskin tubi ag tinapay eon lang rason nga ginguwa eon sanda it biktima. Apang sa ana pa eamang nga pagguwa sa andang kurae hay insigida raya nga ginpa-eukpan sa nagkaeain-eain nga parte it eawas. Lima hasta an-um nga eupok it baril ro nabatian sa gin-eontaran it insidente.

 

Madasig nga nag-eskapo ro mga suspek nga nagtikang eamang.

 

Nakarekober it slug it bala sa eawas it biktima sa indi pa masayuran nga kalibre it baril.

 

Ginatumod eon it mga pulis kun sin-o ro mga suspek ag motibo agud nga patyon ro biktima.