Injured	Killed
0	2

Date: 27 May 2013
Source: Bombo Radyo

GENERAL SANTOS CITY – Duha ka shooting incident ang natigayon sa syudad karong adlawa lamang sa managlahing lugar. Unang insidente natigayon kaganihang pasado alas-11 sa buntag sa Durian St., Dadiangas North ning syudad.

 

Angol ang biktima nga si John Paul Silva, 26-anyos, usa ka negosyante nga nagpuyo sa maong lugar. Sa report nga usa ka lalaki nga taas ug buhok ang miabot sa boarding house sa biktima ug nangita ug kaarkilahan.

 

Sa dihang gikuyugan sa biktima ang suspek aron ipakita ang mga bakanteng lawak, gipusil kini gamit ang calibre 45 ug naigo sa likod og sa ulo. Misibat ang suspek sakay sa motorsiklo nga nag-atang gawas sa boarding house.

 

Samtang, dead on arrival sa ospital si Dennis Abas, usa ka guwardiya nga taga Buayan ning syudad human nga gipusil sa wala mailhi nga suspek. Upat ka samad pinusilan sa lawas ang nahiaguman sa biktima.

 

Nagpahigayon na ug bulag nga imbestigasyon ang mga otoridad kalabot sa duha ka pagpamusil.