Injured	Killed
0	1

Date: 13 April 2013
Source: Bombo Radyo

CAGAYAN DE ORO CITY – Nasikop sa kapolisan ang su-od nga higala sa suspetsadong drug pusher nga suspek sa pagpatay sa negosyanteng si Raul Tan sa Barangay Carmen ning dakbayan.

Sa gihimong drug buy bust operation sa kapolisan diha sa Barangay Macabalan ning syudad kaganinang kadlawon, ilang nasikop si Mark Anthony Dayaw.

Si Dayaw, giingong su-od nga higala sa suspetsadong drug pusher usab nga una nang nasikop sa kapolisan nga mao si Sonny Balaba Simborio.

Nakuha gikan sa posisyon ni Dayaw ang tulo ka sachets sa gitoohang shabu, P200 nga marked money, 45 kalibreng armas, indian pana ug mga drug parapheralia.

Hisayran nga sa dihang nasikop sa kapolisan si Simborio, nakuha gikan sa iyang posisyon ang usa ka 9MM pistol, diin ang bala niini ang mitugma sa bala nga mi-igo sa negosyanteng si Tan nga gitulis ug gipusil-patay diha sa Barangay Carmen ning syudad sa miaging bulan.

Hisayrang nakuha sa posisyon ni Tan ang kapin P1.2 milllion sa dihang kini gitulis ni Simborio.