Matud pa ni Cerio Arendain, 50 anyos sitio lider sa Campo Lower Mainit nga suk-anon nga miabut sa ilang dapit ang suspek ug gilayong nagpabuto gamit ang armalite rifle. 

 

Matud ni Arendain nga nagkaguliyang ang mga residente human gibaharan ni Constantino nga dili mureklamo sa kapulisan aron dili hutdon ug pamatay. 

 

Gilayon nga gipaabut sa Bombo Radyo kang Mayor Reynaldo Constantino ang reklamo batuk sa iyang ig-agaw nga iyang dryaber hinungdan nga ipatawag ang mga residente lakip ang suspek. 

 

Kahinumduman nga si Mayor Constantino ang pangabaga ni Sarangani Rep. Manny Pacquiao sa ilang partido. 

 

Gikasuko matud pa sa suspek ang wala pagsakay sa mga residente sa gimanehu niini nga sakyanan atul mismo sa adlaw sa pinili-ay human masuta nga suporter di-ay sa kaatbang nga partido.