| Injured | Killed |
|---|---|
| 0 | 1 |
Date: 15 January 2013
Source: http://www.sunstar.com.ph/superbalita-cebu/balita/2013/01/15/driver-giatangan-og-armado-giatake-tipi-263074
NAMATAY ang usa ka driver sa school transport van kay giatake sa kasingkasing human giatangan og duha ka mga tawo, usa niini armado, kagahapon sa alas 5 sa buntag sa South Road, sa Barangay Basak Pardo, dakbayan sa Sugbo.
Mga saksi nagtuo nga kidnap, di tulis, ang tuyo sa duha ka mga lalake nga wa mag-helmet kay gilili man ang van, apan dihang nasuta nga way sakay, nipasirit kini pagpadagan.
Gibiyaan niini si Leonardo Sarabia, 51, minyo, taga Villa Zacate, Barangay Basak Pardo, nga wa na makapadagan sa L300 van kay diay giatake na sa kasingkasing.
Nasayran gikan kang SPO1 Geofrey Gutual sa Homicide Section sa Cebu City Police Office (CCPO) nga gikan pa sa ilang balay ang biktima nga nagmaniho sa school transport van.
Kalit lang nibabag ang usa ka motorsiklo nga gisakyan sa duha ka mga tawo samtang ang angkas nipahibawo nga tulis.
Nakuha sa tulisan ang pitaka ni Sarabia nga wa pa matino ang kantidad sa salapi
Daling nikanaug ang duruha ug nipalayo sa maong lugar.
Apan si Basak Pardo Brgy. Capt. Dave Tumulak nga maoy unang nakaresponde sa alarma dunay laing version base sa iyang nakuha sa iyang pakisusi sa mga tawo sa dapit.
Matod niya nga nahunong si Sarabia dihang nibabag ang usa ka motorsiklo sa iyang van nga gimaneho.
Ang angkas nga armado ug wa mag-helmet nikanaog ug niduol sa van.
Gituohan sa mga tawo nga nagtuo si Sarabia nga kadto tulis mao nga dali kining nakahatag sa iyang pitaka nga gidawat usab sa mao nga tawo.
Apan nagtuo ang mga saksi nga hayan dunay dagiton nga tinun-an ang mao nga mga tawo kay inay molakaw, gilili sa armadong tawo ang sulod sa van.
Dihang nasuta nga way pasahero sulod sa van, nibalik kini pagsakay sa motorsiklo.
Daling gidala nila ni Tumulak si Sarabia sa Cebu City Medical Center (CCMC) apan wa magdugay gideklarar nga patay.
Sigun sa asawa nga si Flordelisa nga gikan pa sa ilang balay ang biktima ug nigawas og sayo aron sa pagkuha sa mga bata nga tinun-an sa pribadong tunghaan nga gialagaran.
Ang ngan sa tunghaan gipugngan ning mantalaan.