Injured	Killed
0	0

Date: 17 April 2013
Source: Bombo Radyo

DAVAO CITY – Mipatala sa Digos City Police ang usa ka kawani sa City Treasurer’s Office sa nahisgutan nga dakbayan human nga ilang nadiskobrehan nga nawad-an ug P10,000 ang ilang koleksyon mga alas 9:00 ang takna kagahapon sa buntag.

Naila ang mi-reklamo nga mao si Merlyn Gesta Salasalan, 50-anyos, menyo, residente sa Zone Two, dakbayan sa Digos ug Kawani sa City Treasurer’s Office sa City Hall sa dakbayan sa Digos.

Nadiskobre niya nga nawad-an na ug P10,000 ang koleksyon sa kagamhanang dakbyan nga anaa sulod sa Vault.

Wala sila’y ikatudlo kung kinsa ang mga suspetsado sa pagkahanaw sa P10,000.

Mihimo na ug imbestigasyon ang kapolisan kalabot sa nahisgutan nga insidente ug wala pa’y ikatudlo kung kinsa ang mga suspetsado nga mikawat sa nahisgutan nga kantidad.

Bisan sa mga hulagway sa CCTV wala’y mga timailhan nga dunay mga tawo nga nangbhilabot sa nahisgutan nga pundo.

Nasayrana nga ang nahisgutan nga vault dunay sulod sa P71,000.

Gikahibugngan kung asa napadulong ang P10,000 nga gika-ingong nawala gikan sa vault.