Injured	Killed
0	0

Date: 30 June 2013
Source: Bombo Radyo

LA UNION – Aganay P25,000.00 cash money iti napukaw manipud iti maysa a dental clinic idiay Poblacion, Bacnotan, La Union.

 

Daytoy ket kalpasan a nagpammarang a pasyente iti maysa a mananglim-limo a lalaki a nagpabigbig a Nuñez.

 

Maibasar iti nakalap nga impormasyon ti Bombo Radyo La Union, maysa a lalaki a mapatta-patta a 52-anyos, naka t-shirt ti orange ken naka-shorts ti brown iti nagpammarang nga agpa-pustiso iti nasao a dental clinic.

 

Bayat iti panangbirok ti agpapaay a dental clinic assistant a managan Ediza Felizario, 41, addaan ti asawa, residente ti Barangay Cabarsican ti nasao met laeng nga ili, iti ibagbaga a records ti suspek, maipagarop a ginundawayan na daytoy tapno kauten ti puraw nga envelope iti drawer a nakaikarga-an ti nasao a kantidad ti kuwarta.

 

Kasaruno dayta, dagus a naglibas iti suspek babaen iti maipagarop a panaglugan na ti partas bus nga agpa-abagatan.

 

Apaman a nadiskubre ni Felizario a mapukpukaw ti kuwarta, dagus a nagreport iti Bacnotan Police Station kasaruno ti pannakai-flash alarm iti kabangibang a cuerpo ti pulisiya.

 

Kinuna met iti imbestigador a ni PO2 Philip Fontanilla, dua a partas bus iti sinokisok da kadwa da ti dental clinic assistant, ngem napaay da a masarakan iti nasao a suspek.