Kritikal ang kondisyon ngayon ng isang dekano sa isang unibersidad sa Ilocos Norte matapos pababarilin ng hindi pa nakilalang suspek ngayong alas-7:00 ng gabi.

Kinilala ang biktima na si Atty. Ramon Leano na dekano ng College of Law sa Mariano Marcos State University sa bayan ng Batac.

Pasakay umano ng kanyang sasakyan ang biktima mula sa kanyang katatapos lamang na klase nang biglang huminto ang isang motorsiklo at pagbabarilin ng sakay nito

Patuloy ang pagtutuktok sa kondisyon ng biktima sa ospital matapos magtamo ng tama ng bala sa dibdib.

Ayon sa mga nakakakilala kay Leano, wala namang banta sa buhay ang biktima.

Iniimbestigahan na ng awtoridad ang insidente. Report from Randy Menor, Ilocos Correspondent