Injured	Killed
0	1

Date: 13 April 2013
Source: Bombo Radyo

GENERAL SANTOS CITY – Gitutukan sa mga otoridad ang responsable sa pagpamusil patay sa usa ka dealer sa yuta sa Crossing Purok San Vicente, Crossing Makar, Labangal ning dakbayan.

Giila ni P/Senior Inspector Abduljan Jahuran, hepe sa Makar-PNP ang biktima nga Leopoldo Solis, 56-anyos na residente sa Purok Christian Village, Barangay Calumpang, GenSan na nakaangkon ug unom ka samad-pinusilan sa lawas.

Blangko gihapon ang kapulisan kung si kinsa ang suspek nga nagsul-ob ug bonnet ug helmet sa dihang gidul-it sa pagpusil ang biktima gamit ang calibre 45.

Lakip sa anggulo nga gitutukan sa kapulisan ang bangi sa yuta.

Sa imbestigasyon, nagpasilong sa usa ka tindahan ang biktima tungod sa makusog nga pagbundak sa ulan kagahapon samtang gipaabot ang nagpangalan ug Alvin Uy nga buyer matud pa sa yuta.

Nasayran nga si Solis caretaker sa 1,700 square meters nga yuta sa Christian Village, Barangay Calumpang.