Sugatan ang isang dalagita matapos pagsasaksakin ng kanyang 14-anyos na ka-eskwela sa Diffun High School sa Quirino Province.

Tatlong ulit na sinaksak ni Helen May Orobillo, 3rd year high school student at residente ng Barangay Andres Bonifacio, ang kanyang ka-eskwelang si Amelona Cariaso, residente naman ng Barangay Gulac.

Batay sa imbestigasyon ni SPO1 Rommel Elegado, palabas na ng eskwelahan ang dalawa at habang papauwi ay nagkainitan ang mga ito.

Unang hinabol ng bato ng biktima ang suspek, dahilan para naman magalit ang huli at saksakin si Cariaso.

Hinihinalang away-barkada ang motibo sa pananaksak.

Samantala, nasa ligtas nang kondisyon ang biktima bagama’t nagtamo ng ibat-ibang sugat sa katawan.

Nasa kustodiya ng Provincial Social Welfare and Development ang menor de edad na suspek habang isasailalim din sa counseling ang biktima. Report from Rachel Itchon, DZMM Correspondent