ZAMBOANGA CITY – Patay ang 16-anyos dalagita habang kritikal naman ang 18-anyos na kapatid nito makaraang barilin sila ng hindi nakikilang riding-in-tandem gunmen habang nasa labas ng isang KTV bar sa Jamisola Extention, Santiago, Pagadian City, Zamboanga del Sur.

 

Nagtamo ng mga grabeng tama ng bala sa iba’t ibang parte ng katawan ang magkapatid na nagresulta sa agarang pagkamatay ni Jane Rose Malagar Gella habang agaw buhay naman ngayon sa isang ospital sa lalawigan ang kanyang kapatid na si Jane Rose Malagar Gella.

 

Batay sa ulat ng Pagadian City police station, nakatayo lamang ang magkapatid sa labas ng D’bistro KTV Bar pasado ala-1:00 madaling araw kanina nang lapitan ng isang humaharurot na motorsiklo kung saan nakasakay ang mga suspek at bigla na lamang pinagbabaril ang mga biktima.

 

Blangko pa ngayon ang mga otoridad kung ano ang motibo sa nasabing pamamaril.

 

Inaalam na rin ng mga otoridad kung ano ang ginagawa ng magkapatid sa nasabing lugar sa ganoong oras na posibleng makapaglilinaw sa tunay na motibo ng insidente para matukoy ang pagkakakilanlan ng mga salarin. (MRDS)