Injured	Killed
1	0

Date: 18 February 2013
Source: Bombo Radyo

TUGUEGARAO CITY – Inireklamo sa himpilan ng pulisya ng 16-anyos na kasambahay ang kaniyang amo dahil sa pangmomolestiya sa kaniya sa lungsod ng Tuguegarao.

Batay sa reklamo ng biktima sa mga otoridad, isinasagawa umano ang pangmomolestiya ng suspek na nakilalang si Erick Cabrera kung pumapasok sa eskwelahan ang mga anak nito.

Reklamo ng mrnor de edad, hinahalikan at hinawakan siya sa maseselang bahagi ng kaniyang katawan kung wala silang kasama sa bahay.

Sinasaktan pa umano siya ng kaniyang amo.

Tinatakot din raw siya ng suspek pero nagkaroon siya ng lakas ng loob na isumbong ang ginagawang pang-aabuso sa kaniya.