| Injured | Killed |
|---|---|
| 0 | 0 |
Date: 31 July 2013
Source: Bombo Radyo
CEBU CITY – Gikatakdang pasakaan og kasong kalapasan sa Anti-Human Trafficking in Persons Act karong adlawa ang usa ka dalaga nga nangbugaw og walo ka mga batan-ong babaye sa Barangay Poblacion, lungsod sa Moalboal.
Sa gihimong entrapment operation sa Regional Anti-Human Trafficking Task Force (RAHTTF) sa Regional Intelligence Division (RID-7) kagahapon nasikop si Jenvie Cabaluna, 29-anyos ug mulupyo sa maong lugar human nga gibaligya og P27 mil ang walo ka mga babaye, tulo niini mga menor de edad.
Matod ni S/Insp. Maria Theresa Macatangay nga dugay na nila gi-surveillance si Cabaluna nga maoy supplier og mga babaye sa mga beach resort dinhi sa Central Visayas
Nasayran nga kasagaran sa kustomer ni Cabaluna mga langyaw diin iya mismong ipanghatod.
Apan, gihimakak ni Cabaluna ang mga alegasyon ug giingon nga mga amiga niya ang mga babaye.
Sa pagkakaron, anaa na sa kustodiya sa Department of Social Welfare and Development (DSWD-7) ang mga naluwas na mga babaye.