Injured	Killed
0	0

Date: 09 June 2013
Source: Bombo Radyo

CAGAYAN DE ORO CITY-Gitulis na….Gidunggab pa! Kini maoy nadangatan sa usa ka 23 anyos nga dalaga dinhi sa syudad kagabii.

 

Naila ang biktima nga si Ritchelle Roa nga taga Macanhan, Carmen ning dakbayan.

 

Sakay sa motorela ang maong dalaga sa dihang gitulis kini sa usa ka nagpatoong pasahero nga armado sa mahait nga hinagiban.

 

Nakuha sa tulisan gikan sa biktima ang iyang mahalong cellphone nga nagbalor sa 24-mil pesos.

 

Dili pa unta ihatag sa biktima ang iyang cellphone, apan gidunggab siya sa suspek sa iyang pa-a.

 

Hinoon, luwas na sa kuyaw nga kahimtang ang maong dalaga human kini matambali sa usa ka pribadong balay tambalanan.

 

Gihatagan na usab ug pagtagad sa kapolisan ang nasampit nga kaso.