Injured	Killed
0	1

Date: 31 March 2013
Source: Bombo Radyo

LEGAZPI CITY – Patay sa sakal ang 21-anyos na dalaga matapos na halayin ng hini pa rin nakikilang lalaki na lulong sa ipinagbabawal na droga sa Barangay Pangpang, Sorsogon City kahapon ng umaga.

Kinilala ng pulisya ang biktima na si Joan Diaz, may kapansanan sa pag-iisip na nakatira sa Purok 4 , Barangay Tugos ng nasabing syudad.

Nakita ang bangkay ng biktima na walang saplot ang buong katawan na natagpuan dakong alas-6:00 kahapon ng umaga sa plantasyon ng niyog sa Hacienda Mateo.

Base sa paunang ulat, huling namataang buhay ang biktima sa sayawan sa Barangay Hall kung saan nakilala nito ang lalaki nitong nakaraang gabi.

Napag-alaman naman na hinikayat ng suspek ang biktima sa nasabing lugar kung saan naisagawa nito ang kabuhungan.