Injured	Killed
1	1

Date: 31 March 2013
Source: Bombo Radyo

ROXAS CITY – Patay ang 21-anyos nga dalaga matapos lab-on samtang nagakatulog samtang pilason naman ang isa pa sa pagpang-atake sa ila puluy-an sa Barangay Jaena Norte, Jamindan Capiz.

Dead on arrival sa Camp Macario Peralta Hospital ang biktima nga si Christian Mae Masunson samtang ginabulong naman si Jessa Villasis matapos atakehon kag lab-on sa ulo kag abaga sang suspetsado nga si Tomas Escala sang Barangay Agluluway sang amo nga banwa gamit ang binangon.

Base sa imbestigasyon sang mga kapulisan, nagakatulog si Masunson sa kwarto sini samtang nagakuskos naman sang balinghoy si Villasis sang magsalakay ang suspek kag ginhatok-hatok sila sang labo.

Matapos mahimo ang krimen, madasig nga nagpalagyo si Escala kag ginlabo pa ang baboy nga yara sa gwa sang puluy-an sang mga biktima.

Padayun pa nga ginahibalo sang mga katapo sang Jamindan PNP ang motibo sa makasiligni nga krimen samtang ginapangita pa ang suspetsado.