Injured	Killed
1	0

Date: 31 August 2013
Source: Bombo Radyo

ROXAS CITY – Plano nga magpasaka sang kaso sang isa ka 19-anyos nga dalaga batuk sa 15-anyos nga ka-textmate nga gina-alegar naghimulos sa iya sa banwa sang Pontevedra, sa Capiz.

 

Nagdangup sa mga kapulisan si alyas Girlie agud ireklamo ang menor de edad nga text-mate nga ginkilala kay Bert nga amu ang naglugos sa iya matapos nga nag-upod sa pagpakig-inom.

 

Suno kay Girlie, kasubong nga may ginbutang nga bulong sa iya ilimnon, bangud nakabatyag ini sang paglingin sang ulo, pagluya kag natulugan sang pila ka oras.

 

Gin-alegar pa sang dalaga nga iya pa nabatyagan ang ginahimu nga paghimulos ni Bert apang nagakadula ang iya animo bangud sa kaluya kag kahulugbon.

 

Nahibaluan nga bukas nga nag-upod ang dalaga sang gin-akat sa pag-inom kaupod ang isa pa ka lalaki nga ginkilala kay Tano, nga abyan man sang ka-textmate.

 

Gindugang pa sini nga sang makabugtaw, iya pa nabatayagan ang pagtuyo himulos sa iya sang abyan ni Bert, apang natigayon siya nga makapanginpadlos.