| Injured | Killed |
|---|---|
| 1 | 0 |
Date: 17 February 2013
Source: Bombo radyo feb 17, 2013
Dahil sa kalasingan, estudyante, ni-rape ng taxi driver
BAGUIO CITY – Hanggang sa ngayon ay inaalam pa rin ng pulisya sa Baguio at Benguet kung sino ang taxi driver na nang-rape sa isang babae noong madaling araw ng Linggo.
Una rito, nagtungo sa pulisya ang 19-anyos na estudyante matapos nitong malaman na ginahasa siya ng hindi nakikilalang suspek.
Ayon kay La Trinidad, Benguet C/Insp. Byron Allatog, hanggang sa ngayon ay patuloy ang pakikipag-ugnayan nila sa mga operator at driver ng taxi sa Baguio at Benguet upang malaman ang pagkakakilanlan ng suspek.
Base sa salaysay ng biktima, pasado ala-1:00 ng madaling araw nang sumakay siya sa harapan ng isang bahay-inuman sa lungsod ngunit nawalan agad ito ng malay.
Nagawan pa niyang suntukin ang suspek ngunit nanlaban ito.
Dahil dito, hindi na niya alam ang nangyari pa ngunit nagulat na lamang ito nang magising na wala nang saplot at masakit ang buong katawan at nakahiga sa madamong parte ng Longlong highway.
Inamin naman ng biktima na lasing ito na nagdulot ng pagkawala ng kanyang malay.
Sa ngayon ay patuloy na ginagamot ang dalaga habang iniimbestigahan pa ng mga otoridad ang nasabing pangyayari.