Injured	Killed
1	0

Date: 15 February 2013
Source: Bombo Radyo

KALIBO, Aklan – Sa kritikal nga kondisyon ro sangka daeaga matapos nga laslason ro leog ag pagkatapos hay gintik-eod pa sa tulay it naka-eyeball nga textmate sa Kalibo, Aklan.

Ro biktima nga gina-obserbahan makaron sa Aklan Provincial Hospital hay nakilaea eamang sa alyas nga “Mae,” 18, ag residente it Brgy. Lawaan, New Washington, Aklan.

Base sa report, nagdesisyon nga makipagkita ro biktima sa anang textmate agud eubusan nga magkakilaea bangud sa pagbaeayluhan eamang it text messages sanda nagka-istorya.

Sa inisyal nga imbestigasyon it Kalibo PNP, samtang nagatikang sigon sa Mobo Bridge ro biktima ag anang textmate nga nakilaea eamang sa alyas nga “Chris” it Brgy. Mobo, Kalibo, Aklan hay ginhana nga himuslan ro babaye. Ag kat magsukoe hay ginlaslas sa leog ro biktima ag gintik-eod pa sa tulay.

Nakapangayo pa sigon it bulig ro biktima rason nga nadaea raya sa ospital.

Sangka manhunt operation ro ginapatigayun makaron it pulisya para sa insigidang pagkaaresto sa suspek.