Suno sa biktimang gintago sa pangaean nga “Maricel”, residente it nasambit nga lugar ag nagatrabaho bilang kabulig nga samtang nagatikang paagto sa sangka baraka agud nga magbakae it panakot sa gina-eaha nga tinolang manok kat maagihan kara ro naga-inumang mga kaeapitbaeay.

 

Ginsampit sigon imao it mga suspek nga sanday Ricky Ventura, 40, ag Jomar Melchor, 29, parehong residente it nasambit nga barangay nga mag-inuman sa sueod it payag rason nga napilitang magtagay ro biktima.

 

Ginpahayag pa kara nga matapos nga mahilong hay ginbueus-bueusan imao nga himuslan sa kubo it mga suspek nga kainuman nga pareho man nga lango eon sa aeak.

 

Samtang ginahimuslan sigon imao it sambilog hay ginapugngan man it sambilog ro anang mga alima.

 

Naagahan eon sigon ro biktima sa payag ag kat makatipon it kabaskog hay nag-uli eon imao.

 

Pag-abot sa baeay hay nagsugid ro daeaga sa anang ama ag nagderetso sanda sa Balete Police Station.

 

Insigidang nadakpan it pulisya ro mga suspek ag makaron hay nagapangatubang sa kasong pageabag sa RA 8353 ukon Anti-Rape Law.