Injured	Killed
1	0

Date: 09 June 2013
Source: Bombo Radyo

CAGAYAN DE ORO CITY-Hugot gikondenar karon sa kadagkuan sa Bureau of Customs kon BoC 10 ang nahitabong pagpusil sa kauban niini sa Brgy Bugo ning dakbayan karong hapon lamang.

 

Sa paghinabi sa Bombo Radyo Cagayan de Oro,gisaysay ni Customs District Collector Atty Lourdes Mangaoang nga giila ang biktima nga si Alma Lumunsod,46 anyos nga nakabase sa Mindanao Container Terminal sa Tagoloan,Misamis Oriental.

 

Matud ni Mangaoang nga dili una sila maghatag sa komento kabahin sa gidangatan sa biktima apan mas prioridad nila ang kaluwasan niini.

 

Si Lumunsod ang naigo sa iyang tiyan ug bukton hinungdang gidala sa pribadong ospital ning dakbayan.

 

Matud usab sa mga nakasaksi nga nagmaneho sa sakyanan ang biktima sa dihang kalit gipusil sa wala mailang suspek hinungdang mibangga kini.

 

Nagtoo usab ang mga otoridad nga may kalabutan sa trabaho ang hinungdan sa pagpusil sa biktima.

 

Hisayrang sa miaging tuig 2011,gipusil gihapon ang acting customs collector sa MTC samtang sakay sa iyang sakyanan sa Kauswagan highway ning dakbayan.