| Injured | Killed |
|---|---|
| 0 | 0 |
Date: 21 May 2013
Source: Bombo Radyo
CAGAYAN DE ORO CITY – Gipangita karon sa kapolisan ang mga suspek sa pagtulis sa usa ka lending firm collector diha sa Brgy. Gusa ning syudad kagabii.
Naila ang biktima nga si Libert Cutel, hingkod ang panuigon, collector sa SB and B lending firm ug lumad nga taga Oroquieta City.
Sa pakighinabi sa Bombo Radyo, gibutyag ni Cutel nga duha ka suspek nga armado sa 45 kalibreng armas ang mitulis kaniya samtang siya nangolekta sa maong dapit.
Moabot matud pa sa P15,000 nga koleksiyon sa maong biktima ang nakuha sa mga tulisan.
Gilayon usab matud pang misibat ang mga tulisan sakay sa motorsiklo nga walay plaka.