Injured	Killed
0	0

Date: 19 January 2013
Source: http://www.sunstar.com.ph/superbalita-davao/balita/2013/01/19/chinese-national-gitulis-263750

USA ka Chinese national ang gitulis sa tulo ka mga lalaki samtang nagbaklay sa dalang Bangoy, Corner Rosemarie, Barangay Tomas Monteverde, Agdao District, siyudad sa Davao.

Nahitabo ang insidente alas 5 sa hapon niadtong Biyernes.

Ang biktima giila sa kapulisan nga si Vic Yang, 21, ulitawo, residente sa 2nd Floor, Samco Building, Corner Rosemarie Street, Bangoy.

Base sa spot report sa Sta. Ana Police Station, nasayran nga nagbaklay ang biktima sa dihang kalit lang giduol sa tulo ka mga lalaki nga dunay dalang kutsilyo ug gition kaniya.

Nakuha gikan kang Yang ang iyang selpon nga LG nga mikantidad og P14-mil ug ang salapi sa iyang pitaka nga P4,500.

Sa gihimong pagpanubay sa kapulisan, nailhan ang mga suspek base sa paghulagway sa mga nakakita sa hitabo.

Mga suspek mao sila si Ronel Mamoca Lopez, alyas Tata Ila, 18, Witi Rozada, 24, ug Danilo Montenegro, alyas Dodong Luz, 18, pulos residente sa Rosemarie, Agdao.

Sa pagkakaron, nakigkoordinar na ang kapulisan sa barangay aron madakpan sa hinanaling panahon ang tulo nga padayon pang gawasnon.