Injured	Killed
0	0

Date: 20 March 2013
Source: Bombo Radyo

BACOLOD CITY – Tangkas-tangkas na ang kaso ang dapat sulbaron sang Bacolod City Police Office angot sa serye sang robbery kag kinawatay sa ciudad.

Matapos ang natabo nga robbery sa jewelry store sadtong Sabado kon sa diin masobra isa ka milyon ka pesos nga balor sang alahas ang nataban kag pag ransack sang isa pa kahapon, isa naman ka cellphone shop ang ginkawatan kaina sang kaagahon.

Isa ka guardiya ang nakadiskubre nga guba na ang puwertahan sang Ho Sun cellshop sa Luzuriaga-Bonifacio Sts. kaina sang aga nga amo ang naghatag sang impormasyon sa kapulisan.

Base sa inisyal nga imbestigasyon naglab-ot sa P4,000 ang nakuha sang mga suspetsado.

Nahibaluan nga wala pa nasulbra ang paghold-up sa jewelry store nga nag resulta sa pagka relieve sang hepe sang police station 1 nga amo ang may jurisdiction sa crime area kaupod sa intelligence officer sang BCPO, isa naman ka kaso ang dapat nga sulbaron sang nagbulos nga chief of police.