Kini bisan pa nga wala pa natibawas ang pagresolba sa Kyla’s Bistro bombing incident nga gikamatay sa walo ka tawo ug gikaangol sa kapin 40 pa sa Limketkai Complex ning syudad sa miaging adlaw’ng Biyernes sa gabii.

 

Subay sa mensahe nga nalatid sa facebook account sa kongresista,nakasulat niini nga dili angayang magpakasayop kini sa pagtangtang sa mga scholar nga iyang gipa-iskuwela kon dili kini gustong mosunod sa nahitabong Limetkai complex.

 

Kini ang hinungdan kon nganong nakasulat si Uy sa iyang facebook wall nga: ‘A Death threat to me and my Family!’

 

Gisaysay usab sa bahad nga dismayado sila kina City Mayor Oscar Moreno ug Uy tungod sa giingong pagbag-o na niini human matabangan sa pag-ampo aron makadaug sa miaging piliay.

 

Dugtong niini,gilayong mibaha ang comforting messages alang kang Uy ug giaghat nga magpakalig-on sa iyang kaugalingon.

 

Nagpakahilom una ang naglangkob sa special investigation task group kabahin mikatag nga mensahe.

 

Gisayay ni Supt. Michael John Deloso na maoy tigpamaba sa task group nga magpabilin una silang mopunting sa tulo ka suspek nga unang gitumbok sa Kyla’s Bistro.

 

Gipamugos niini nga human sa pagpamomba,mibalik na ang giingong normal situation sa tibuok syudad.