ROXAS CITY – Gintadtad sang igo sang bala ang isa ka lalaki matapos ginluthang sa sulod mismo sang ginatrabahuan nga eskwelahan sa Barangay Capagao, Panit-an, Capiz.

Gilayon nga ginbawian sang kabuhi bangud sa tuman ka damu nga pilas nga ginangkon si Ami Deocampo, 60.

Sa inisyal nga imbestigasyon sang pulisya, nahibaluan nga nagapagwa na sa Capagao Elementary School ang biktima kaupod ang live-in partner sang hinali nga ginpaulanan sang bala sang wala pa makilala nga suspek.

Nakaluwas naman ang live-in partner sini nga si Josephine Bascos matapos nagkamang agud makaluwas.

Indi pa karon maathag ang motibo sang krimen.